Dicitencello Vuje - Frédéric François, Roberto Alagna

Dicitencello a 'sta cumpagna vosta\nch’aggio perduto 'o suonno e 'a fantasia\nca 'a penzo sempre.\nChe é tutta 'a vita mia\ni' nce 'o vvulesse dicere,\nma nun nce 'o ssaccio dì!\n'A voglio bbene,\n'A voglio bbene assaje,\nDicitencello vuie ca nun m' 'a scordo maje!\nE' 'na passiona\ncchiù forte 'e 'na catena,\nca me turmenta ll’anema\ne nun me fa campà.\nDicitencello\nch' è na rosa 'e maggio.\nch'è assaje cchiù bella\n'e 'na jurnata 'e sole…\nD''a vocca soia,\ncchiù fresca d''e vviole,\nI' già vulesse sentere\nch' è nnammurata 'e me!\n'Na lacrema lucente v' è caduta…\nDiciteme 'nu poco a che penzate…\nCu' st’uocchie doce\nvuje sola me guardate…\nLevámmece 'sta maschera,\ndicimmo 'a verità.\nTe voglio bbene, te voglio bbene assaje\nsi' ttu chesta catena\nca nun se spezza maje!\nSuonno gentile,\nsuspiro mio carnale\nte cerco comm' all’aria\nte voglio pe' campà!